Policia e Katalonjës ka goditur një bandë shqiptare që kryente grabitje. Sipas mediave vendase në pranga kanë rënë 4 shqiptarë të moshave 32 dhe 34 vjeçare. Ata dyshohet se janë pjesë e një grupi që kanë kryer 27 plaçkitje banesash në pesë qytete të ndryshme.
Hetimi i çështjes filloi në 25 tetor kur disa fqinjë njoftuan shërbimin e urgjencës se kishin parë një burrë me një qëndrim të çuditshëm në parkun e komunitetit të një ndërtese.
Një polic i cili ishte jashtë shërbimit zbuloi edhe praninë e këtij personi dhe u afrua për ta identifikuar. Në atë kohë, i dyshuari e shtyu agjentin dhe u përpoq të ikte, megjithëse një forcë policie arriti në vendngjarje dhe e çoi në komisariat.
Hetimi i hapur pas këtij incidenti zbuloi se burri po shoqëronte dy persona të tjerë që kishin hyrë në dy katet e ndërtesës, duke u ngjitur në ballkone.
Si rrjedhojë e hetimeve u zbulua një grup kriminal i përbërë nga 6 persona, të cilët ndiqnin gjithnjë një skemë të njëjtë grabitje.
Grabitësit parkonin makinën në një vend me errësirë nga ku më pas prej saj dilnin 3 persona të veshur me rroba të zeza. Pasi realizonin objektivin, ktheheshin në një banesë në lagjen Calaf Perafita të Barcelonës.
Të arrestuarit ndodhen në paraburgim dhe pritet që gjykata të japë vendimin për ta./abcnews.al
