Youssoufa Moukoko është në planet e trajnerit të Borussia Dortmund, Lucien Favre, me strategun që zbulon se klubi ka një plan për integrimin e 15-vjeçarit në skuadrën e parë.
Moukoko bëri debutimin e tij për të rinjtë e Dortmundit në moshën 12 vjeçare dhe filloi sezonin 2019/20 me verdhezinjtë U-19. 15-vjeçari ka shënuar 35 gola në 26 ndeshje këtë sezon dhe së fundmi është shpërblyer me një ftesë te kombëtarja U19-të e Gjermanisë.
“Ne kemi një plan për të, por nuk mund të them saktësisht kur ai do të bashkohet me ne,” tha Favre në konferencën e tij para ndeshjes së kësaj fundjave kundër Freiburg, në “Signal Iduna Park”.
“Ndoshta mund të na bashkohët në mars, por ne ende duhet të presim për disa gjëra dhe detaje të tjera”, tha mes të tjerash Favre. Moukoko ka shënuar edhe 90 gola në 56 ndeshje për Dortmund U-17. Një talent që premton shumë për të ardhmen./abcnews.al
