Me shiritin e kapitenit në krah, Nicolo Barella gjeti edhe golin në suksesin 2-0 të Italisë ndaj Ekuadorit, pikërisht në minutat e fundit të sfidës.
Mesfushori i Interit u shfaq i kënaqur me golin, por mbi të gjitha me lojën dhe grupin që forcohet gjithnjë e më shumë.
“Vuajtëm shumë në pjesën e dytë dhe kjo nuk është normale për cilësitë tona. Megjithatë kishin mbetur edhe pak energji për të shënuar golin në fund, të cilin e shijova shumë.
Paraqitja ishte shumë e mirë. Po forcohet gjithnjë e më shumë një grup që ka dëshirë të sakrifikojë dhe të arrijë objektiva madhore”, u shpreh Barella./ h.ll/abcnews.al
