Një sherr mes të rinjve ka ndodhur në Dibër. Mësohet se një 18-vjeçar është goditur me thikë gjatë një konflikti për motive të dobëta.
Shërbimet e Komisariatit të Policisë Dibër, në bashkëpunim me Forcën e Posaçme “Shqiponja”, menjëherë pas marrjes së informacionit se në lagjen “Kamen”, në qytetin e Peshkopisë, po ndodhte një konflikt mes dy të rinjve, menjëherë kanë shkuar në adresën e dhënë.
Pas ndërhyrjes së policisë është arrestuar autori një 18-vjeçar banues në Peshkopi.
Materialet procedurale i kaluan Prokurorisë pranë Gjykatës së Shkallës së Parë Dibër, për veprime të mëtejshme.
/abcnews.al/
