Loading ...
Gjykata e Tiranës ka dhënë sot masën e sigurisë për tre të rinjtë që pak ditë më parë rrahën, futën në bagazhin e makinës dhe tentuan të djegin me benzinë një 16-vjeçare në Tiranë.
Lexo edhe: “Do të djeg me benzinë”, zbulohet plani i frikshëm i të riut për të dashurën: Si e ndihmuan shokët
Fillimisht u arrestua 25-vjeçari Ardit Çela, i cili pretendonte se kishte lidhje dashurie me të miturën. Bashkë me dy shokët e tij, Enea Xhorin dhe një 17-vjeçar, rezulton sipas policisë së ata kanë rrahur fillimisht vajzën pranë një pallati në kryeqytet dhe më pas e kanë futur në bagazhin e makinës duke tentuar djegien e saj me benzinë.
Për fat të mirë plani i tyre nuk ka shkuar siç duhej dhe e mitura ka shpëtuar. Gjykata vendosi sot të japë masën e sigurisë “arrest me burg” për Ardit Çelën, si edhe detyrim paraqitje për Enea Xhorin dhe 17-vjeçarin me inicialet D.M.
Njoftimi i policisë
Tiranë
Në vijim të informacionit të dhënë ditën e sotme, sipas të cilit, dyshohet se në ambientet e jashtme të një pallati, 3 shtetas (dy prej të cilëve të arrestuar në flagrancë) kanë ushtruar dhunë ndaj një 16-vjeçareje, si dhe kanë tentuar ta dëmtojnë atë me lëndë djegëse (benzinë), ju informojmë se:
Specialistët për Hetimin e Krimeve në Komisariatin e Policisë Nr. 2 bënë të mundur arrestimin e shtetasit A. Ç., 25 vjeç.
Strukturat e Policisë vijojnë punën për zbardhjen dhe dokumentimin e plotë me prova ligjore të kësaj ngjarjeje.
Materialet i kaluan Prokurorisë, për veprime të mëtejshme procedurale.
/abcnews.al
