Ish-kryetari i bashkisë së Himarës Jorgo Goro është njohur të me masën e dytë të arrestit në burg nga gjykata e posaçme. Ai akuzohet për shpërdorim detyre pasi në kundërshti me ligjin lejoi kryetarin e komanduar të bashkisë së Himarës Arqile Bollano që të përfitojë një sipërfaqe prej 4236 metra katror toke.
Në seancën e së dielës, nëpërmjet avokatit të tij Sokol Hazizaj, ai kundërshtoi akuzat e prokurorisë dhe në të njëjtën kohë pretendoi se masa e dytë e arrestit është caktuar në kundërshti me ligjin. Për shkak se Goro mbahet i arrestuar prej 4 muajsh për tjetërsimin e një sipërfaqe toke prej, pala mbrojtëse pretendoi se Goro nuk ka mundësi të largohet, nuk mund të prishë provat dhe në të njëjtën kohë nuk mund të ndikojë tek persona të tjerë, por në fund gjykata la në fuqi masën e dhënë në mungesë. Hetimet kanë nisur fillimisht nga prokuroria e Vlorës për shpërdorim detyre dhe falsifikim dokumentesh, por më pas dosja u transferuan në prokurorinë e posaçme.
Sipas hetimeve Goro në vitin 2016-të ka trajtuar një kërkesë të Arqile Bollanos në bazë të ligjit 7051 për pajisje të aktit të marrjes së tokës në pronësi duke i dhënë një sipërfaqe prej 4263 metra katror tokë në kundërshti me ligjin. Por nga verifikimet e prokurorisë, rezulton se Bollano është përfitues i një sipërfaqe prej 7700 m2 që e zotëron prej vitit 1996 dhe në këtë mënyrë Goro akuzohet për shpërdorim të detyrës.
/abcnews.al
