Eglentin Gjoni, kapiteni i skuadrës së Laçit, është operuar ditën e sotme. Mbrojtësi u dëmtua në ndeshjen me Bylisin. Pas një dyluftimi me një nga lojtarët kundërshtarë ai përfundoi i shtrirë. Nga rënia ka pësuar një frakturë në krahun e majtë dhe i është dashur të kryejë një ndërhyrje.
Ditën e sotme ai është paraqitur në “Spitalin Amerikan” dhe është operuar me sukses. Ai do të qëndrojë edhe sonte në ambientet e spitalit, nën kujdesin e mjekëve. Nga nesër do të largohet dhe do vijojë me fazën e riaftësimit.
Nga ajo që i kanë thënë mjekët, Gjoni nuk do të jetë nën urdhrat e trajnerit Sulejman Starova për rreth dy muaj. Shanset janë që në takimet e fundit të fazës së dytë ta ndihmojë skuadrën. Gjithsesi gjendja e tij do vlerësohet kohë pas kohe dhe më pas do të vendoset. /abcnews.al
