Ministrja e Drejtësisë, Etilda Gjonaj ishte të hënën në Prokurorinë e Përgjithshme, ku prezantoi rekomandimet prioritare të qeverisë në luftën kundër kriminalitetit.
Para kryeprokurores Arta Marku dhe prokurorëve të rretheve, Gjonaj rekomandoi tolerancë zero kundër krimit të organizuar dhe korrupsionit.
Ministrja nënvizoi faktin se ngritja e Prokurorisë së Posaçme do t’i japë një tjetër dimension mënyrës së hetimit dhe procedimit të këtyre veprave.
Ndëshkimi i ashpër penal ndaj grupeve dhe organizatave kriminale, duke goditur çdo aset ekonomik të paligjshëm të tyre, ishte një tjetër rekomandim qeveritar i përcjellë nga Gjonaj./abcnews.al
