Princesha e Uellsit, Kate Middleton, u kthye në detyrat mbretërore me bashkëshortin e saj, Princin e Uellsit, të enjten, disa ditë pasi festoi ditëlindjen e saj të 41-të, dhe pasi kunati i saj Princi Harry publikoi kujtimet e tij, Spare.
Çifti udhëtoi për në Liverpool vetëm një ditë pasi fëmijët e tyre u kthyen në shkollë. Kate dukej me stil me kombinimin që zgjodhi, megjithatë, Princesha e Uellsit hoqi unazën e fejesës gjatë vizitës së saj në spital.
Gjatë vizitës mbretërore, e cila zgjati disa orë, Kate Middleton hoqi dy nga aksesorët e saj më të vlefshëm. Unaza e saj e fejesës dhe unaza e përjetësisë.
Ajo mund të ketë mbajtur unazën e saj të martesës, por unaza e saj e fejesës prej safiri 12 karatësh dhe unaza e përjetësisë me diamant Eclipse prej ari të bardhë 18 karatësh mungonin. Arsyeja pse Kate i hoqi ishte për siguri.
Ajo ka bërë diçka të ngjashme në të kaluarën, dhe Kensington Palace kishte raportuar se ajo kishte hequr aksesorët e saj sepse ishte duke vizituar repartet e fëmijëve dhe prandaj ishte e rëndësishme për të që të hiqte çdo rrezik higjienik.
Lëvizja e saj mori komente pozitive nga publiku i saj, si dhe pamja e saj dhe puna e saj bamirëse./abcnews.al
View this post on Instagram
