Policia gjermane ka bastisur sot banesën e një siriani 34-vjeçar në qytetin bavarez të Martkoberdorf, i cili dyshohet se është anëtar i grupit xhihadist të Shtetit Islamik.
Informacioni i mbledhur nga hetuesit sugjeron se i dyshuari kishte lidhje me Shtetin Islamik në Siri përpara se të transferohej në Gjermani në vitin 2015. Ai thuhet se ka qenë i përfshirë në aktivitete organizative për Shtetin Islamik, i cili më parë kontrollonte zonat e Sirisë dhe Irakut.
Deri më tani hetuesit theksojnë se nuk kanë prova për përfshirje të drejtpërdrejtë të 34-vjeçarit sirian në vrasje. “Ne do të përdorim çdo mjet ligjor për të ndjekur penalisht terroristët dhe mbështetësit e tyre,” tha kryeprokurori i Mynihut Reinhart Rettle.
