Lëkura është tregues i shëndetit, prandaj është e rëndësishme të vini re çdo sinjal që jep. Disa zakone që duhet t’i bëni në përditshmërinë tuaj janë ato që bëjnë diferencën për të patur një lëkurë sa më të shëndetshme. Më poshtë janë renditur disa rregulla të thjeshta, por thelbësore për kujdesin e lëkurës, sipas Bright Side.
Pastroni rregullisht ekranin e smartphone-it tuaj me peceta speciale për pastrim.
Hulumtimet e fundit kanë vërtetuar se ekrani i pajisjes suaj mund të mbajë 10 herë më shumë baktere se një tualet. Për të parandaluar që të gjitha ato mikrobe të vijnë në fytyrën tuaj dhe të përhapen përreth, bëjeni rregull dhe pastrojeni ekranin e smartphone-it tuaj me peceta speciale për pastrim.
Lani rregullisht furçat e make up-it.
Furçat e grimit nëse përdoren në mënyrë të papërshtatshme, mund të shkaktojnë puçrra, alergji dhe probleme të tjera të lëkurës. Kjo është arsyeja pse larja e furçave, sfungjerëve, dhe mjeteve të tjera të grimit duhet të jetë pjesë e rregullt e rutinës tuaj të bukurisë. Për këtë qëllim mund të përdorni pastrues të rregullt dezinfektues dhe pastrues antibakterial.
Kushtojini rëndësi dietës tuaj.
Sheqeri dhe ushqimet e yndyrshme janë armiqtë numër një për një lëkurë të shëndetshme. Sigurohuni që dieta juaj të jetë e ekuilibruar me shumë vitamina dhe minerale thelbësore.
Vendosni një krem në fytyrën para dhe pas notit në pishinë.
Kimikatet e pishinës thajnë lëkurën tuaj, duke e bërë të dehidratuar. Për ta mbrojtur lëkurën nga klorit, përdorni një krem ushqyes sa herë që hyni në pishinë. Pas notit, duhet të lani fytyrën tërësisht dhe të vendosni disa produkte hidratuese.
Bëni dush menjëherë pas stërvitjes.
Dushet e palestrës mund të mos jenë vendet më të rehatshme në botë, por poret e bllokuara, pikat e zeza dhe puçrrat që shfaqen nëse nuk lani djersën menjëherë pas një stërvitje janë padyshim më keq. Prandaj merrni pak sapun me vete në palestër dhe shpëlajeni djersën menjëherë pas trajnimit.
Kushtojini vëmendje të madhe sinjaleve që trupi juaj ju dërgon.
Problemet e zakonshme kozmetike si acarimi, skuqja dhe ënjtja në fytyrë mund të jenë “flamuj” të kuq të çështjeve më serioze shëndetësore. Kushtojini vëmendje të madhe sinjaleve që trupi juaj po ju dërgon dhe mos i injoroni ato. xh.d/abcnews.al
