Presidentja gjeorgjiane, Salome Zourabichvili ka paraqitur një padi në Gjykatën Kushtetuese të vendit kundër ligjit për agjentët e huaj, sipas një deklarate nga sekretari parlamentar i presidentit, Georgy Mskhiladze.
“Presidenti gjeorgjian ka paraqitur për herë të parë një padi në Gjykatën Kushtetuese. Padia sfidon ligjin mbi transparencën e ndikimit të huaj, të ashtuquajturin ligj rus. Ky ligj bie ndesh me kushtetutën e vendit,” tha ai në një konferencë, shkruan Tass.
Sipas Mskhiladze, presidenti sfidon një sërë normash dhe nenesh të ligjit pasi ato bien ndesh me nenin 78 të kushtetutës së Gjeorgjisë, i cili thotë se të gjitha degët e pushtetit nuk duhet të kursejnë asnjë përpjekje brenda kompetencave të tyre drejt integrimit të Gjeorgjisë në Bashkimin Evropian dhe NATO./abcnews.al
