Mbreti i tryezës së festës së ndërrimit të viteve, gjeli i detit, këtë vit kushton më shtrenjtë. Rritje çmimi krahasuar me vitin e shkuar ka pësuar dhe pula e detit.
Banorët e Baldushkut, fshat në periferi të Tiranës i njohur për gjelat e detit tregojnë se çmimi i misrit është dyfishuar ndërsa kosto e plehut kimik është rritur me tre herë.
Afro tetë muaj Blerina tregon se i është përkushtuar rritjes së tufës me 50 gjela, mund që pret i shpërblehet në fund të vitit.
Një pjesë e fshatarëve besojnë tek klientët besnikë të cilët të kënaqur nga cilësia e gjelit të Baldushkut janë kthyer çdo vit në këtë fshat.
Disa prej banorëve të zonës kanë gjetur mënyra të tjera për të tërhequr klientët.
Anët e rrugës së fshatit këtë periudhë i gjen të mbushur me tregtarë të gjelave të detit, por një alternativë tjetër për ata që pëlqejnë gjelin e Baldushkut është edhe tregu më në periferi të zonës./abcnews.al/
