Olivier Giroud mund të konsiderohet si një nga sulmuesit më të nënvlerësuar të viteve të fundit, pasi ai nuk merr njohjen që meriton pavarësisht se shënon.
Në fakt, sulmuesi me eksperiencë që është në krye të listës së golashënuesve të kombëtares franceze ka vazhduar të tregojë se Henry i dërgon mesazhe pas çdo goli që shënon.
“Një mesazh nga Thierry Henry? Ai e ka zakon, sa herë që shënoj, të më dërgojë një mesazh të këndshëm për të më uruar. Është gjithmonë një kënaqësi që vjen prej tij”, tha ai.
Konkurrenca ishte e lartë për Giroud që të shkonte në Katar si sulmuesi i dytë, megjithatë, largimet e Christopher Nkunku dhe Karim Benzema për shkak të dëmtimit, i hapën rrugën titullarit për lojtarin e Milanit.
Përpara fitores së djeshme kundër Danimarkës, futbollisti veteran Graham Souness kritikoi Giroud, duke e përshkruar rekordin e tij të golave si “fat” falë mungesës së Benzemas nga ekipi kombëtar nga viti 2015 deri në 2021. /G.D abcnews.al/
