Sporti nuk mund të qëndrojë i paprekur nga koronavirusi. Shumë ndeshje të futbollit janë shtyrë dhe të tjera do të luhen me dyer të mbyllura. Situatë e vështirë edhe në Formula 1. Kampionati botëror 2020 nis me 15 mars në Australi dhe Ferrari nuk ka aspak frikë nga virusi i momentit.
Skuderia e famshme italiane ka bërë të ditur që nuk shqetësohet nga koronavirusi dhe po pret me padurim nisjen e sezonit të ri. “Nuk do të përdorim maska kirurgjikale, pavarësisht se e kemi të qartë që situata po evoluon vazhdimisht.
Aktualisht nuk ka kundërindikacione nga asnjë prej subjekteve me të cilat jemi në kontakte të vazhdueshme, si FIA, Formula 1, autoritetet në Itali dhe në vendet ku do të zhvillohen garat. Kështu që, për momentin, nisja jonë drejt Australisë është e konfirmuar“, lexohet në deklaratën e “Kokëkuqes”. /abcnews.al
