Hellas Verona është pengesa e radhës e Milanit në kampionat. Kuqezinjtë presin nesër në mbrëmje (20:45) ekipin e Ivan Juric në “San Siro, takim që duhet fituar për të vijuar kryesimin e Serie A.
Një ndeshje aspak e thjeshtë për Milanin, që do të përballet kundër mbrojtjes më të fortë të kampionatit italian (Hellas ka pësuar 3 gola në 6 takime të luajtura).
Trajneri i Hellas Verona, Ivan Juric është ndalur te gara për titullin kampion në Itali në deklaratën e dhënë për Radio Deejay, duke “injoruar” kampionët në fuqi të Juventusit. “Unë shoh Milanin, Romën dhe Interi si kandidatë për fitimin e titullit.
Kuqezinjtë kanë talent dhe janë një ekip që vrapon shumë. Niveli i tyre është rritur shumë, teksa më pëlqen shumë edhe Roma e Fonsecas. Interi? Ata kanë skuadrën më të fortë“, deklaron trajneri nga Spliti. /abcnews.al
