Kreu i degës së PD-së në Durrës ,Ferdinand Xhaferaj ka prezantuar para strukturave të Partisë Demokratike kandidatin për kryetar të kësaj force politike, Agron Shehaj.
Së fundmi me anë të një postimi në rrjetet sociale, Xhaferaj teksa shihet krah Agron Shehaj, shkruan se gara është jo vetëm një kusht themelor i demokracisë por edhe thelbësore për një PD më të fortë.
“Në një vend ku cdo ditë luftohet demokracia dhe cdo parim i saj, sigurisht që përbën lajm ndjekja e rregullave të një gare krejt legjitime”, – shkrua ai në rrjetet sociale.
“PD dhe kryetari i saj Lulzim Basha kanë luftuar gjatë opozitës si dhe gjithë muajt e fushatës për të kthyer sadopak normalitetin në një vend ku jemi të vjedhur nga cdo parim moral dhe etik.
Detyra institucionale si kryetar i PD Durres, vlerat e qytetit që përfaqësoj, shkollimi im si dhe eksperienca politike, më çojnë të jem në krah të cdo kandidati i cili vjen në emër të Partisë Demokratike. Garat dhe respektimi i cdo aspekti të tyre janë jo vetëm kusht për një demokraci funksionale, por edhe thelbësore për të garantuar një PD më të fortë dhe më të bashkuar pas 13 Qërshorit,” ka përfunduar Xhaferraj. /abcnews.al/
