PSG arriti një fitore të mrekullueshme mbrëmjen e shkuar, teksa mundi në “Parc des Prince” me rezultatin 3 me 1, rivalët e Lens, në një ndeshje ku dyshja Mbappe-Messi shkëlqeu totalisht.
Për fitoren pas ndeshjes foli dhe tekniku i francezëve, Christophe Glatier, i cili “i çliruar” pas triumfiut tha se djemtë e tij arritën një rezultat shumë të rëndësishëm dhe se i gjithë fokusi tashmë do të shkojë në ndeshjen e së premtes ndaj Angers.
“Ishte e rëndësishme të fitonim. Në pjesën e parë ne përfituam nga epërsia numerike, por në pjesën e dytë e lamë. Ne duhet të ishim më seriozë dhe agresivë. Megjithatë lojtarët e mi dërguan një sinjal të fortë. Tani le të mendojmë për ndeshjen e së premtes kundër Angers, të shohim se si do të shkojnë gjërat”,- u shpreh Galtier në fjalën e tij. /i.m /abcnews.al
