Në orën 19:00, “galaktikët” e Real Madrid do të presin në “Santiago Bernabeu” skuadrën e Las Palmas, në përballjen e vlefshme për javën e 7-të të Kampionatit spanjoll të futbollit, La Liga, ku padyshim objektivi kryesor është fitorja, për të harruar humbjen e “hidhur” në derbi nga Atletico Madrid.
Përsa i përket formacioneve, tekniku Carlo Ancelotti i ka rreshtuar “mbretërit” e tij, me formulën e zakonshme, 4-3-1-2, ku në portë është vendosur si zakonisht spanjolli, Kepa. Në krahët e mbrojtjes janë Mendy e Nacho Fernandez, me qendrën që mbulohet nga Alaba e Rudiger. “Dirigjimi” i lojës në mesfushë i është besuar treshes, Tchouameni-Camavinga-Valverde, ndërsa “fantazisti” Brahim Diaz është pozicionuar para tyre. Ndërkaq, në majën e sulmi janë vendosur Rodrygo e Joselu.
Në krahun tjetër, tekniku Francisco Pimienta e ka rreshtuar skuadrën e tij, me formulën 4-5-1, ku në portë është vendosur spanjolli Alvaro Valles e para tij në mbrojtje, Araujo, Curbelo, Coco e Sinkgraven. Mesfusha i është besuar pesë lojtarëve, Munir El Haddadi, Javier Munoz, Mfulu, Viera e Herrera, ndërsa i vetëm në “majën” e sulmit është Kaba. /i.m /abcnews.al
Formacionet zyrtare:
