Loading ...
Patën fat të ndryshëm, dhe askush nuk gëzoi. Sulmuesit shqiptarë, Mirlind Daku dhe Stiven Shpendi, ishin protagonistë në sensin e kundërt për ekipet e tyre në Europë.
Ylli kuqezi që luan për Rubinin në Premier Ligën e Rusisë fitoi dhe humbi një penallti, ndërsa skuadra e tij u shkatërrua në shtëpi nga Baltika me rezultatin 3-0.
E pamundur të ndodhte më keq, dhe një goditje për ambiciet e sezonit. Stiven Shpendi ndërkaq e gjeti rrugën e rrjetës në Serinë B italiane. Vëllai binjak i Kristian Shpendit, që ka pasur probleme me formën vitet e fundit, duket se e ka gjetur sërish vetveten.
Talenti 22-vjeçar barazoi rezultatin në ndeshjen që Empoli e mbylli me shifrat 1-1 në fushën e tij ndaj Venecias, ndërsa shqiptari ka 4 rrjeta në 7 sfida.
Aspak keq këtë sezon. Gol edhe nga futbollisti më i ri i kombëtares, Nazmi Gripshi, që u thirr nga trajneri Silvinjo për dy ndeshjet e kaluara, dhe që debutoi në miqësoren kundër Jordanisë.
Sulmuesi 28-vjeçar realizoi golin e katërt në fitoren 5-3 të ekipit të tij, Astana ndaj Aktobes në Premier Ligën e Kazakistanit, ndërsa pretendon Këpucën e Artë duke pasur 16 rrjeta deri tani, si dhe 6 asistë.
Në Kroaci, ishin në fushë dy yjet shqiptarë, Adrion Pajaziti dhe Arbër Hoxha. Pajaziti kaloi dëmtimin dhe luajti 79 minuta për Hajdukun në fitoren 3-0 në fushën e Istrës, dhe njëzetedyvjeçari ishte titullar e kontribuoi sidomos në fazën mbrojtëse dhe në organizimin e lojës, ndonëse në sulm ishin yjet e tjerë të Hajdukut që u dalluan.
Hoxha po ashtu ishte titullar në fitoren 2-1 që Dinamo e Zagrebit arriti në fushën e vet ndaj Osijekut dhe luajti 64 minuta.
