Çdo grua ka një ngjyrë ideale të flokëve që nxjerr në pah bukurinë e saj dhe fsheh disa nga papërsosmëritë e saj. Megjithatë, disa ngjyra kanë efektin e kundërt, të cilat “fshehin” tiparet më të mira të fytyrës. “Bright Side” ka renditur disa nga gabimet më të shpeshta që bëhen më ngjyrën e flokëve.
Zgjedhja e një ngjyre që është shumë e errët.
A keni vënë re ndonjëherë, që kur një objekt vendoset përpara një sfondi të errët, tiparet duket se janë më të dallueshme? E njëjta gjë ndodh me fytyrën tonë. Kur lyejmë flokët me një ngjyrë uniforme të zezë “papërsosmëritë” tona si linjat e imëta, bien në sy. Nëse ju pëlqejnë nuancat më të errëta, atëherë një ngjyrë e errët e gështenjës është një alternativë më e mirë se e zeza.
Zgjedhja e një ngjyre krejtësisht të ndryshme nga toni ynë natyror.
Cila ngjyrë mund t’ju bëjë të dukeni më të moshuar: flokët bjonde apo gështenjë? Për fat të keq, përgjigja varet nga disa faktorë që do të përcaktojnë nëse një grua do të duket më e re me njërën ose tjetrën ngjyrë. Ju nuk duhet të ndryshoni në mënyrë dramatike ngjyrën natyrale të flokëve, pasi ndryshimet drastike mund të mos jenë përshtatja e duhur për tonin e lëkurës, e cila nga ana tjetër do t’ju bëjë të dukeni më të vjetër.
Zgjedhja e një ngjyre monokromatike.
Si një përpjekje për të fshehur thinjat, disa gra shpesh përdorin bojë që është me një ngjyrë të njëtrajtshme. Duhet ta dini që ngjyrat bjonde monokromatike ose të zeza nuk do t’i bëjnë flokët tuaj të duken natyrale dhe mund t’i japin fytyrës një pamje më të moshuar.
Mos lyerja e rrënjës.
Lyerja e flokëve kërkon mirëmbajtje të vazhdueshme pasi rrënjët shfaqen pothuajse menjëherë. Për të shmangur një pamje më të vjetër duhet të zgjidhni disa stile që i bëjnë rrënjët të duken më të errëta, si stili ombré. Në këtë mënyrë, mund t’i lini flokët të rriten natyrshëm dhe të keni një pamje të freskët gjatë gjithë kohës.
Aplikimi i trendeve të kaluara të ngjyrave.
Bota e bojës së flokëve diktohet gjithashtu nga trendet. Kjo është arsyeja pse disa nuanca konsiderohen në modë, ndërsa të tjerat të vjetruara. Një ngjyrë që ka qenë në modë në të kaluarën mund t’ju bëjë të dukeni si një person i modës së vjetër. Teknikat më në modë janë një zgjidhje e shkëlqyer për të arritur një pamje të dëshiruar.
Investimi në ngjyra intensive të kuqërremta.
Një ngjyrë e kuqërremtë e flokëve mund të jetë elegante. Sidoqoftë, mirëmbajtja mund të jetë e shtrenjtë, pasi ngjyra zbehet shumë shpejt dhe flokët marrin një pamje që askush nuk do ta dëshironte. Përveç kësaj, flokët e thinjur kanë tendencë të bien në sy edhe më shumë kur janë në kontrast me hije si gështenja e kuqërremtë ose e kuqja burgundy.
Një alternativë e sigurt është të zgjidhni bjonde luleshtrydhe, e cila është një hije midis bjondes dhe së kuqes – mund të japë një pamje më të ngrohtë dhe të ndritshme në fytyrën tuaj. Për më tepër, meqenëse është një hije më e lehtë, ajo do të fshehë flokët e padëshirueshëm të thinjur shumë më mirë. /abcnews.al
