Portieri i Manchester United, Andre Onana, nuk duket sikur është në formën në të cilën ishte me skuadrën e Interit sezonin e kaluar, pasi kamerunasi është duke bërë shumë gafa në portën e “Djajve”.
“Djajtë” humbën ndeshjen e parë të Grupit A në transfertë 4-3, teksa e pësuan golin e parë ndaj Bayern Munchen në një mënyrë amatoreske.
“Gardiani” kamerunas nuk e grushtoi si duhet topin, teksa bavarezët e patën tepër të thjeshtë për të kaluar në avantazh.
“E pranoj fajin dhe përgjegjësin e golit të parë. Sigurisht që mund të kisha bërë më mirë, por tashmë nuk ka vlerë asnjë diskutim rreth kësaj teme. Nëse nuk do të ishim penalizuar prej atij rasti, rezultati nuk do të ishte negativ për ne. Unë prisha balancat e më pas dha ndikim te loja”, tha Onana, i cili erdhi në Manchester për të zëvendësuar De Gean./ h.ll/abcnews.al
