West Ham United kishte skautë të pranishëm në Botërorin për Klube në takimin final mes Flamengos dhe Liverpoolit, për të ndjekur nga afër Gabriel ‘Gabigol’ Barbosa, sipas “The Sun”.
Sulmuesi brazilian ka qenë në huazim te Flamengo që nga janari i këtij viti nga Interi, ku ka shënuar 43 gola në të gjitha kompeticionet. West Ham ka vuajtur në shënimin e golave këtë sezon dhe janë në kërkim të një sulmuesi në janar, i cili mund të mbështesë Sebastian Haller.
Gabigol, i cili u emërua lojtari i dytë më i mirë në Botërorin e Klubeve, konsiderohet si alternativa më e mirë në merkaton e janarit. Gjithashtu, flitet se “Çekiçët” po studionin edhe mesfushorin e Flamengos, Bruno Henrique, i cili po ashtu bëri një kompeticion shumë të mirë./.abcnews.al
