Conor McGregor dëshiron revansh me Khabib Nurmagomedov dhe ia ka kërkuar këtë duel presidentit të UFC, Dana White. Jo vetëm kaq, pasi irlandezi ka nisur edhe ngacmimet në Twitter me menaxherin e luftëtarit nga Dagestani, Ali Abdelaziz.
McGregor i kujton atij emrin e vjetër, Robert Earl Britton, ccka normalisht nuk është pritur mirë nga Ali, i cili dyshohet se ka qenë edhe agjent i infiltruar në të shkuarën dhe është dënuar për falsifikim. Menaxhei i Khabib i është kundërpërgjigjur irlandezit.
“Ju kurrë nuk do të jeni sërish kampion, pasi kam një ushtri që ju pret Justin Gaethje, Kamaru Usman, Gilbert Burns, Khamzat Chimaev, Islam Makhachev, Beneil Dariush, Belal Muhammad and Vicente Luque. Khabib të shkatërron mendërisht”, shkruan Ali në një postim në Twitter.
Replikat kanë qenë të shumta mes menaxherit dhe McGregor, me krahun e djathtë të Khabib që godet poshtë brezi me postimet e ti: “Ti the që me Khabib në kafaz është vetëm biznes. Shko merr një serum dhe kthehu esëll, pasi e dimë që je ose i dehur, ose i droguar”. /abcnews.al
