Bernie Sanders, senatori i pavarur dhe zëri kryesor progresiv në Kongres, me tone shumë të ashpra kritikoi atë që ai e quajti fushatën “katastrofike” të Partisë Demokratike, pas humbjes së thellë të Kamala Harris nga republikani, donald trump.
Ai pretendoi se dështimi i demokratëve për të përqafuar politikat që do të ndihmonin amerikanin e klasës mesatare çoi në performancën e dobët të partisë në zgjedhjet e djeshme.
“Nuk duhet të jetë befasi e madhe që një Parti Demokratike që ka braktisur njerëzit e klasës punëtore do të zbulonte se klasa punëtore i ka braktisur ata”, tha Sanders, i cili u rizgjodh për një mandat të katërt për të përfaqësuar Vermontin.
Sanders ka grupe parlamentare me demokratët në Senat dhe bëri fushatë për pro Kamala Harris. Megjithatë ai ka qëndrime të nmdryshme me Joe Biden për mbështetjen e tij për Izraelin dhe e inkurajoi atë të miratojë politika ekonomike progresive.
“Sot, megjithë kundërshtimin e fortë nga shumica e amerikanëve, ne vazhdojmë të shpenzojmë miliarda për financimin e luftës së përgjithshme të qeverisë ekstremiste Netanyahu kundër popullit palestinez, e cila ka çuar në katastrofën e tmerrshme humanitare të kequshqyerjes masive dhe vdekjen e mijëra fëmijëve nga uria”, tha Sanders.
Sansders, i cili kandidoi për president në 2016 dhe 2020, foli mbi mënyrat se si amerikanët vazhdojnë të përjetojnë paqëndrueshmëri ekonomike, nga pabarazia e të ardhurave dhe pasurisë deri te mungesa e lejes së garantuar familjare dhe mjekësore.
