Mercedezi dhe Lewis Hamilton janë rikthyer te fitorja në Formula 1. Triumfi i britanikut në çmimin e madh të Sochit në Rusi e ofron edhe më shumë me titullin e gjashtë kampion bote.
Ky ishte suksesi i nëntë për të në këtë sezon, ndërsa Bottas dhe Lecrerc plotësuan treshen e podit. Fundjavë e zezë për Ferrarin pas suksesit në Singapor. Makinat e kuqe u nisën mirë, Vettel po kryesonte dhe pas tij renditej Leclerc.
Një problem teknik i gjermanit e detyroi të largohej nga gara dhe Hamilton, duke shfrytëzuar edhe makinën e sigurisë virtuale, përfitoi nga ky moment dhe nuk hasi më probleme për të fituar garën. Gara e ardhshme zhvillohet në Japoni me 13 tetor. /abcnews.al
