Rreth 30 ambasada izraelite janë mbyllur në mbarë botën nga frika e sulmeve pas kërcënimeve iraniane pas bastisjes në konsullatën iraniane në Damask që vrau zyrtarë të lartë të Teheranit.
Lajmi është bërë i ditur nga Haaretz, e cila citoi një burim diplomatik sipas të cilit masat e sigurisë janë shtuar në të gjitha institucionet izraelite në mbarë botën që nga 7 tetori.
E fundit në listën e zyrave diplomatike izraelite të mbyllura sot si masë paraprake pas lajmeve për hakmarrje të mundshme iraniane, ishte edhe ambasadata izraelite në Romë.
Të njëjtat burime saktësojnë se ky është një vendim autonom i vetë ambasadës. Selia diplomatike ndodhet në via Michele Mercati pranë Villa Borghese.
Rikujtojmë se në një konferencë, IDF tha se ka shkarkuar nga detyra dy oficerë të lartë të përfshirë në sulmin, ku humbën jetën 7 punonjës të ndihmave në Gaza. Hetimi për incidentin zbuloi gjithashtu se disa punonjës u mbijetuan sulmeve ajrore fillestare, por u vranë më pas.
/abcnews.al
