Gjermania u fut sot në një karantinë të rreptë, në një përpjekje të radhës për të përmbajtur përhapjen e koronavirusit në vend. Në 24 orë, vendi regjistroi 952 raste fatale, shifra më e lartë e arritur ndonjë herë.
Druajtja se pandemia mund të jetë duke dalë jashtë kontrollit në Gjermani, ekonomia më e madhe e Evropës, bëri që kancelarja Angela Merkel dhe 16 guvernatorët e shteteve të njoftonin të dielën një bllokim të ashpër deri më 10 janar.
Dyqanet dhe shkollat do të qëndrojnë të mbyllura duke nisur nga sot.
Sipas të dhënave të institutit Robert Koch për sëmundjet infektive, numri total i të infektuarve në vend është rreth 1,4 milionë, ndërsa 27,728 raste u regjistruan vetëm në 24 orët e fundit.
Kurse, bilanci total i viktimave në vend është 23,427. Gjermanët po presin miratimin e një vaksine të të zhvilluar pjesërisht në Gjermani ndërsa vende të tjera si Britania dhe Shtetet e Bashkuara kanë nisur injektimet e para. s.b/abcnews.al/
