Një frazë e përdorur nga kryeministri irlandez, Leo Varadkar, për të përshëndetur lirimin nga Hamasi të shtunën të Emily Hunt, 9-vjeçare irlandeze-izraelite, provokoi një reagim i fortë nga qeveria izraelite dhe thirrja e ambasadorit irlandez në Izrael.
Emily Hunt ishte mes grupit prej 17 pengjeve të liruar pas 50 ditësh robëri në Rripin e Gazës. Vajza fillimisht mendohej se ishte vrarë në sulmin e Hamasit në Kibbutz Beeri, gjatë bastisjeve vdekjeprurëse të grupit islamik më 7 tetor. Më vonë, megjithatë, u bë e ditur se 9-vjeçarja ishte në mesin e 240 pengjeve që u morën atë ditë në Rripin e Gazës.
Duke reaguar ndaj lirimit të vajzës, Varadkar foli dje për “një ditë gëzimi dhe lehtësimi të pamasë“, duke thënë se “një fëmijë i pafajshëm që kishte humbur, tani është gjetur“.
Fjalia e fundit shkaktoi një reagim të fortë nga ministrat dhe zyrtarët e qeverisë izraelite.
Ministri i Jashtëm izraelit Eli Cohen sulmoi kryeministrin irlandez dhe, duke iu drejtuar Varadkarit në një postim në X: “Duket se keni humbur busullën tuaj morale dhe keni nevojë të vini në kontakt me realitetin!”
“Emily Hunt nuk ishte ‘e humbur’, ajo u rrëmbye nga një organizatë terroriste më e keqe se Shteti Islamik që vrau njerkën e saj,” shtoi Cohen, duke vazhduar: “Emily dhe më shumë se 30 fëmijë të tjerë izraelitë u morën peng nga Hamasi, dhe ju jeni duke u përpjekur të legjitimojë dhe normalizojë terrorin”./abcnews.al
