Një astronaut i NASA-s dhe dy kozmonautë rus janë kthyer të sigurt në Tokë pas një qëndrimi rekord prej më shumë se një viti në Stacionin Ndërkombëtar të Hapësirës (ISS), njoftoi agjencia ruse Roscosmos.
“Sot në orën 14:17 (me orën lokale) kapsula Soyuz MS-23 me kozmonautët Sergey Prokopiev dhe Dmitry Petelin dhe astronautin e NASA-s Francisco Rubio, i cili kaloi një vit në ISS, u ul në qytetin e Dzhezkazgan në Kazakistan”, raportoi Roscosmos.
“Sergei Prokopiev dhe Dmitry Petelin kaluan 370 ditë, 21 orë dhe 22 minuta në hapësirë, pra fluturimi më i gjatë në kuadër të programit ISS”, theksoi Roscosmos në një deklaratë.
Nga ana e tij, kreu i NASA-s, Bill Nelson, e quajti këtë një “moment historik në eksplorimin e hapësirës”. “Frank Rubio ka përfunduar udhëtimin e tij 371-ditor në hapësirë, duke vendosur një rekord të ri për fluturimin më të gjatë hapësinor nga një astronaut i vetëm amerikan.
“Mirë se erdhe në shtëpi, Frank!” shkroi në Platformën X.
Welcome home, Frank!
The single longest spaceflight for any of our @NASA_Astronauts comes to a close. Frank Rubio is back on Earth after 371 days. His extended mission to the @Space_Station will help us shape the future of deep space exploration. pic.twitter.com/nR88RA6vqC
— NASA (@NASA) September 27, 2023
Rubio u nis në shtator 2022 me një raketë ruse, me pretendimin se do të qëndronte në hapësirë në një mision klasik gjashtë mujor, së bashku me dy kozmonautët rusë.
¡Bienvenido a casa, Frank! It fills me with pride to see a record-breaking Hispanic astronaut being greeted by @NASA’s first Hispanic chief of astronauts right in the middle of #HHM23. ¡El espacio es para todos! #MesDeLaHerenciaHispana pic.twitter.com/rbpDG7NFA7
— Bill Nelson (@SenBillNelson) September 27, 2023
Por anija Soyuz që supozohej t’i sillte në Tokë, pësoi një rrjedhje në dhjetor, të shkaktuar nga një mikrometeorit. Agjencia ruse më pas vendosi si një masë paraprake të kthejë atë anije dhe të dërgojë një tjetër, bosh, Soyuz MS-23.
Prandaj Frank Rubio dhe dy kolegët e tij rusë kryen misionin e ekuipazhit që fillimisht pritej të mbërrinte në këtë anije të dytë dhe t’i zëvendësonte ata.
Rekordi i mëparshëm për një amerikan u vendos në vitin 2022 nga astronauti Mark van Heij, me 355 ditë rresht. Rekordin absolut për qëndrimin më të gjatë në hapësirë e mban kozmonauti rus Valery Polyakov, me 437 ditë.
Record-breaking NASA astronaut Frank Rubio has finally returned to Earth https://t.co/tcEION01vt pic.twitter.com/sSK3Rng5Nk
— CNN (@CNN) September 27, 2023
