Loading ...
75-vjetori i martirizimit priftërinjtë At’ Gjon Shllakun dhe At’ Anton Harapin i gjen pa një varr. Françeskanët kanë ardhur nga Shkodra në katedralen e Shën Palit që të kujtojnë dy figurat e rëndësishme të klerit katolik dhe kulturës kombëtare.
At’ Viktor Demaj, i cili drejton Bibliotekën françeskane “At’ Gjergj Fishta” në Shkodër, e konsideron të domosdoshëm rikthimin e vëmendjes dhe leximit të tyre si njerëz të letrave dhe kontribues për çështje kombëtare.
Ai bën thirrje që të lexohet pa paragjykime At’ Harapi , pasi ende vazhdon ta ndjekë dritëhija e 13 shtator 1943, kur emërohet anëtar i Këshillit të Regjencës, ku ka qëndruar deri në fund të vitit 1944.
Ndërkohë që si fatkeqësi mbetet e ende i pa zbuluar, dorëshkrimi i historisë së filozofisë shqiptare shkruar prej tij.
Në këtë përvjetor vjen para lexuesit botimi i veprës së plotë e padër Anton Harapit. Në vëllimin e tretë dalin në dritë për herë të parë disa dorëshkrime ku përfshihen konferenca, predikime e ushtrime shpirtnore qe ka mbajtur padër Anton Harapi.
Gjithashtu botohen edhe publicistika e At’ Gjon Shllaku në veprën “Shqyptari- Frati – Shqypnia”. /abcnews.al/
