Koalicioni i krahut të majtë të Frontit Popullor të Francës, i cili fitoi numrin më të madh të vendeve në parlament në zgjedhjet parlamentare të 7 korrikut, njoftoi një marrëveshje për të emëruar Lucie Castets si kandidate për kryeministre te presidenti Emmanuel Macron.
Përmes një deklarate të përbashkët, të katër partitë shpallën zgjedhjen e Castets, duke nënvizuar se ajo ka punuar në të kaluarën për të luftuar korrupsionin fiskal dhe financiar.
Lucie Castets është një ekonomiste dhe nëpunëse e lartë civile me një përvojë në “luftën e evazionit fiskal dhe krimit financiar”, si dhe në fushatën për shërbimet publike. Duke punuar për qeverinë e qytetit të Parisit, Castets është krejtësisht e panjohur për publikun e gjerë./abcnews.al
