Francë, arrestohet personi që tentoi të shtypte me makinë disa ushtarë

Policia franceze ka arrestuar personin që tentoi të sulmonte me makinë disa ushtarë në rajonin Isere, jo shumë larg kufirit me Italinë. Kjo është konfirmuar nga autoritetet lokale. Mësohet se shoferi iu drejtua ushtarëve me disa fjalë në gjuhën arabe përpara se të tentonte t’i shtypte me makinë. Idenditeti I tij nuk bëhet i ditur, vetëm saktësohet se po udhëtonte me një automjet të vjedhur të tipit “Pezho 208”. Gjithashtu mediat shkruajnë se bashkë me të, në makinë gjendej dhe një femër. Arrestimi i autorit është bërë në një market të zonës, një orë pas arratisjes. Tashmë ai do të merret në pyetje nga drejtësia franceze. Ndërsa ende nuk është konfirmuar pista e terrorizmit. Kjo ngjarje vjen pas sulmit të një jave më parë në një supermarket, ku u vranë 4 persona dhe 16 të tjerë mbetën të plagosur. /abcnews.al