Dhoma e Ulët në parlamentin francez ka vendosur një bllokim ndaj diskriminimit dhe ndërhyrjes së punëdhënësit me flokët e punëtorëve, ngjyrën, stilin dhe madje edhe strukturën e tyre.
Drita jeshile për një projektligj që ndalon ndërhyrjet dhe diskriminimin në vendin e punës në bazë të flokëve, ngjyrës, stilit madje edhe teksturës së punonjësve, u miratua të enjten në mbrëmje nga Dhoma e Ulët e parlamentit francez. Mediat dhe aktivistët po flasin për një projektligj historik që do t’i japë fund një problemi që shpeshherë është një pengesë për punëtorët, veçanërisht për gratë.
Në këtë mënyrë, Franca bëhet vendi i parë në botë që miraton legjislacionin në nivel kombëtar për një çështje kaq specifike në vendin e punës. Edhe pse në SHBA rreth 23 shtete kanë ligje të ngjashme kundër diskriminimit të punësimit bazuar në flokët, në nivel lokal.
Megjithatë, debati nuk është mbyllur ende, pasi kërkohet edhe miratimi i Senatit, ku ratifikimi i propozimit nuk do të jetë aq i lehtë.
Në vitin 2022, një stjuardesë e zezë e Air France arriti të fitonte në gjykatë, pas një sherri të gjatë, të drejtën e saj për të mbajtur stilin e flokëve, me gërsheta të shumta, edhe gjatë fluturimeve. Çështja kishte arritur shkallën më të lartë gjyqësore dhe u konsiderua jetike për faktet juridike të vendit./abcnews.al
