Policia arrestoi paraditen e sotme autorin e dyshuar të vrasjes së biznesmenit Niko Goro në Himarë.
Kliti Leka dyshohet se ekzekutoi Niko Goron në Himarë në orën 09:00 të mëngjesit duke tentuar të largohej më pas, por u kap në zonën e Livadhit.
Në dëshminë e parë të Lekës së siguruar nga abcnews.al, ai është shprehur se kishte probleme pronësie me Goron pasi i kishte dhënë tokën për të ndërtuar pallat, por ky i fundit nuk e kishte paguar.
Autori i dyshuar ishte parë që mbrëmë në Himarë ku dyshohet se po përgatiste vrasjen e Goros. Më herët ka patur një konflikt fizik mes tyre.
Në momentin e kapjes, policia i sekuestroi Lekës edhe një pistoletë si edhe një automatik tip kallashnikov. /abcnews.al
