Egnatia nga vera e shkuar ka nisur një projekt serioz dhe në këtë sezon është një nga pretendentet kryesore për t’u ngjitur në Kategorinë Superiore.
Presidenca e klubit nga Rrogozhina përveç afrimeve të shumta cilësore po mendon edhe në krijimin e infrastrukturës së nevojshme për të rritur lojtarë dhe ndërtuar ekip konkurrues në nivele të larta.
Ditën e sotme klubi ka dalë me një njoftim, ku tregon nisjen e punimeve për stadiumin e ri, që është reklamuar muaj më parë në rrjetet sociale dhe do të quhet “Arena Egnatia”.
POSTIMI – Kf Egnatia starton sot punimet e projektit ambicioz të presidentit Agim Demrozi për stadiumin e ri. Qyteti i Rrogozhinës do ketë stadiumin e ri sipas standardeve te FIFA-s . Lamtumirë fusha e vjetër! Mirësevjen projekti ri! /abcnews.al
