Qyteti i Mariupolit është imazhi i fatkeqësisë më të madhe humanitare në Ukrainë. Qyteti, i cili ka një rëndësi strategjike është sulmuar vazhdimisht që nga fillimi i pushtimit rus duke penguar në këtë mënyrë edhe ndihmat humanitare, sipas skynews.
Forcat ruse kanë shkatërruar 90% të qytetit. Ata kanë ndërprerë qasjen e banorëve në energji elektrike, ujë të pijshëm dhe furnizime mjekësore. Dhjetëra mijëra njerëz kanë mbetur ende të bllokuar në Mariupol, ndërsa të paktën 20,000 njerëz thuhet se janë vrarë.
