Marash Kumbulla ishte një nga mungesat kryesore të kombëtares shqiptare në ndeshjet e fundit të Nations League.
Tashmë mbrojtësi i Romës ka lënë pas dëmtimin që mori ndaj Monzës më 30 gusht, ndërsa është gati për t’u rikthyer në fushën e lojës.
Me anë të një postimi në rrjetet sociale, mbrojtësi kuqezi shkruan: “Është bukur të rikthehesh sërish në fushë. Forca Roma, përpara për ndeshjen tjetër”.
Dëmtimi që Kumbulla pësoi e mbajti atë jashtë edhe dy ndeshjeve që Kombëtarja zhvilloi në Ligën e Kombeve, e cila u duk që ndikoi jashtë mase shumë në rezultate.
/f.a/abcnews.al
