Ndërsa përgatitemi për deklaratat tatimore, Jeff Bezos dhe partnerja e tij Lauren Sanchez po jetojnë jetën e tyre më të mirë në Spanjë në bordin e superjahtit të ri të manjatit prej 500 milionë dollarësh.
Të veshur me kostumet e tyre të banjës, ata shijojnë pushimet e tyre luksoze dhe bredhin në kuvertë, duke i dhënë Page Six disa pamje interesante.
Çifti, i cili filloi lidhjen e tyre në vitin 2019, shihet duke ecur në kuvertën e superjahtit të tyre të ri, i cili besohet të jetë më i madhi në botë me gjatësi 70 metra. Blerja e tyre e re përfshin një platformë helikopterike, në rast se po pyesni, si dhe një pishinë dhe mund të strehojë deri në 18 të ftuar.
Themeluesi i Amazon filloi ndërtimin e varkës, e cila quhet Koru, në vitin 2018 pasi depozitoi shumën prej gjysmë miliardi. Superjahti përfundoi gati pesë vjet më vonë në mars 2023.
Sipas informacioneve nga Page Six, Bezos duhet të shpenzojë rreth 25 milionë dollarë në vit për të menaxhuar superjahtin, gjë që ndoshta nuk është një problem i madh për të pasi pasuria e tij neto është 114 miliardë dollarë.
Sanchez, nga ana tjetër, tha në fund të vitit 2022 se ajo planifikon të hidhet në orbitë diku në vitin 2023, duke ndjekur hapat e partnerit të saj, i cili vizitoi për herë të parë hapësirën në korrik 2021.
Për këtë eksperiencë të paprecedentë, Sanchez nuk do të ketë në krah Bezos-in, me të cilin është në lidhje që nga viti 2019, por do të ketë një ekip vetëm femra. Gazetarja fituese e çmimit Emmy tha në mënyrë karakteristike se pret t’i bashkohet një grupi të madh femrash që do të udhëtojnë në hapësirë.
Shikoni fotot nga PageSix:
