Foto që po shikoni është gjetur në celularin e Shkëlqim Dukës, oficerit të policisë që akuzohet se ekzekutoi biznesmenin Eduart Reci.
Sipas grupit hetimor, kjo vërteton që Shkëlqim Duka ka bërë stërvitje me një armë me dylbi, para vrasjes së biznesmenit.
Përpara oficerëve të Policisë gjyqësore, Skkëlqim Duka nuk ka pranuar të flasë. Efektivi I policisë pranë komisariatit numër 2 në Tiranë nuk ka reaguar as kur është pyetur nëse do të konsultohet me avokatin e tij, nga ana tjetër vëllai Florian Duka ka mohuar të ketë lidhje me ngjarjen apo të jetë në dijeni se biznesmeni ishte vënë në shënjestër për t’u eleminuar.
Grupi hetimor që u ngrit për të zbardhur ngjarjen ka prova të cilat impikojnë 2 vëllezërit duka në ekzekutimin e biznesmenit.
Një ditë para arrestimit, policia ka ushtruar disa kontrolle në banesat por edhe në lokalin në pronësi të dy vëllezërve, ku ka gjetur dhe sekuestruar një armë zjarri e cila rezulton pjesërisht e dëmtuar, jelek antiplumb dhe disa material të tjera të cilat po ekzaminohen.
Ekzekutimi i biznesmenit Reçi u krye më 13 nëntor pranë “Rrugës së Elbasanit”, përpara pallatit ku biznesmeni kishte banesën e tij./abcnews.al/
