Cristiano Ronaldo nuk po kalon momentin e tij më të mirë sportiv. Lojtari i Manchester United është zëvendësues i Erik Ten Hag dhe koha e lojës i është zvogëluar. Për këtë arsye, sulmuesi do të mendonte të largohej nga klubi anglez dhe javët e fundit është përfolur për mundësinë e rikthimit të tij te Sportingu i Lisbonës.
Edhe pse është e vërtetë që këtë javë, trajneri i Sportingut, Ruben Amorim, ka përjashtuar mundësinë që portugezi të rikthehet në skuadër, e vërteta është se lëvizja e fundit që futbollisti do të kishte bërë tregon se të paktën ai i ka synimet të investojë në Portugali.
Më shumë se 18 milionë paund të investuara në një pronë në Portugali
Sipas ‘The Sun’, ylli portugez ka investuar 18 milionë paund (më shumë se 20 milionë euro) në blerjen dhe rinovimin e rezidencës më të shtrenjtë në Portugali. Është një pronë luksoze që sipas mediave të sipërpërmendura do të ishte 40 minuta me makinë nga kryeqyteti portugez. Prona do të jetë gati në fillim të vitit 2023.
Pa dyshim, është një lëvizje e habitshme që mund të tregojë se Cristiano planifikon të fillojë një jetë të re në vendin e tij me Georgina Rodríguez dhe fëmijët e tyre në një të ardhme pak a shumë të afërt. /G.D abcnews.al/
