Dy makina janë përfshirë në një aksident rrugor mëngjesin e kësaj të diele në Tiranë.
Ngjarja ka ndodhur në orët e para të mëngjesit, pranë kryqëzimit të Porcelanit, në rrugën “Hoxha Tahsin”.
Sikurse mund të shihet edhe nga fotot e publikuara nga LSA, në aksident janë përfshirë dy makina, të cilat janë përplasur kokë më kokë me njëra-tjetrën.
Si pasojë e përplasjes së fortë, njëra prej tyre është kthyer dhe përmbys. Ndërkohë nuk ka asnjë informacion nëse nga aksidenti ka pasur të plagosur. /abcnews.al
