Pas 48 orësh në luftë me flakët, zjarrfikësit që po punojnë për shuarjen e zjarrit tek qendra tregtare në Tiranë kanë marrë disa minuta për të pushuar duke u ndërruar me kolegët e tyre.
Në fotot që ABC sjell, duken dy punonjës të forcave zjarrfikëse të ulur jashtë godinës ku flakët janë ende aktive ndërsa nuk ka asnjë shenjë nga roja i sigurisë Arjan Sala. Mësohet se tashmë pritet ndërhyrja me qen për gjetjen e tij.
Ai mbeti mes flakëve për të shpëtuar kolegët. 33-vjeçari, prej 5 vitesh punon në këtë qendër tregtare si punonjës i sigurisë. Nga kolegët, ai njihej si një person tepër korrekt dhe i sjellshëm.
Sala është baba i një fëmije 2 vjeç, i vetmi që punon në familjen e tij. Ai jeton me bashkëshorten, djalin, nënën dhe të atin./mv.abcnews.al
