Max Verstappen vazhdon të marshojë drejt titullit të dytë botëror në Formula 1. Piloti holandez i RedBull siguroi një triumf fantastik në Çmimin e Madh të Belgjikës.
Holandezi u nis nga vendi i 14-të, i parakaloi të gjithë me radhë dhe në fund festoi suksesin e nëntë sezonal.
Pas tij u rendit meksikani Sergio Perez, shoku i skuadrës te RedBull, ndërkohë që podi u kompletua nga spanjolli Carlos Sainz i Ferrarit.
The points scorers in Spa! ?#BelgianGP #F1 pic.twitter.com/2Rbo01XFXK
— Formula 1 (@F1) August 28, 2022
Vetëm vendi i pestë për Charles Leclerc (Ferrari), teksa Lewis Hamilton (Mercedes) doli jashtë piste dhe e mbylli pa pikë Çmimin e Madh të Belgjikës.
Kampionati vazhdon të kryesohet nga Verstappen me 283 pikë. Më pas renditen Perez me 193 pikë dhe Leclerc me 188 pikë.
Shtatë herë kampioni i botës, Lewis Hamilton nuk ka siguruar akoma fitoren e parë dhe numëron vetëm 146 pikë.
