Mund të konsiderohet si rivali më i rrezikshëm këtë sezon, për “tulipanin”, Max Verstappen.
Pas “pole position”, në Çmimin e Madh të Spanjës, piloti britanik Lando Norris ka arritur të sigurojë një tjetër vend të parë, pas provave zyrtare, këtë herë për Çmimin e Madh të Hungarisë, duke lënë goxha pas kampionin në fuqi të Formula 1.
Norris regjistroi kohën 1 minutë e 15.227 sekonda, vetëm 0.022 sekonda më shpejt se shoku i tij te McLaren, australiani Oscar Piastri dhe 0.046 më shpejt se “tulipani” i RedBull, i cili do të nisë garën në “Hungaroring”, nga vendi i tretë.
Pesë vendet e para do të plotësohet nga Carlos Sainz i Ferrari e Lewis Hamilton i Mercedes, ndërsa piloti tjetër i “Kokëkuqes”, Charles Leclerc do ta nisë garën nga vendi i gjashtë e pas tij janë dyshja e Aston Martin, Fernando Alonso e Lance Stroll.
Ndërkaq, kujtojmë se ky ishte “pole position” i dytë për 24-vjeçarin, në katër garat e fundit, si dhe e treta në gjithë karrierën e tij, teksa do të kërkojë me ngulm fitoren, për të shkurtuar diferencën prej 84 pikësh me Verstappen. /i.m /abcnews.al
