Pandemia e Covid-19 vazhdon të ndikojë rëndë në vijueshmërinë normale të jetës sonë dhe nuk bën përjashtim as mbarëvajtja e Formula 1, kampionatit më të madh të automobilizmit në glob.
Sezoni i ri ishte planifikuar të niste më datë 19-21 mars si zakonisht në Australi, por nuk do të ndodhë kështu. Çmimi i Madh i Australisë është shtyrë për tetë muaj më vonë për shkak se në kontinentin e njohur rregullat e pandemisë janë strikte dhe nuk e lejojnë organizimin e eventeve me të tilla përmasa.
Kështu, Formula 1 është vendosur të nisë një javë më vonë në një tjetër vend. Garën e parë të këtij sezoni do e shohim më datë 26 mars në pistën e Sakhir, Çmimin e Madh të Bahreinit. /abcnews.al
