Në më pak se 1 orë në arenën “Stadio Arechi”, të Salernos, vendasit e Salernitanas do të presin “zikaltërit” e Inter, në sfidën e vlefshme për javën e 29-të e Kampionatit italian të futbollit, Serie A.
Përsa i përket formacioneve tekniku i vendasve, Paulo Sosa ka vendosur të përdorë formacionin 3-4-2-1, ku në portë si zakonisht është pozicionuar meksikani Ochoa. Në mbrojtje Daniliuc, Gyomber e Pirola. Në krahët e mesfushës janë vendosur Bronn e Bradaric, me qendrën që plotësohet nga Coulibaly e Vilhena. Kastanos e Candreva më të avancuar në mesfushës, ndërsa “maja” e sulmit i është besuar polakut Krzysztof Piatek.
Në krahun tjetër tekniku Simone Inzaghi ka vendosur të përdorë në transfertën e Salernos formulën 3-5-2, ku në portë pas ndeshjes së Kupës së Italisë rikthehet kamerunasi Onana. Para tij në mbrojtje janë vendosur Acerbo, De Vrij e Darmian. Dumfries e Gosens në krah, ndërsa “bërthama” e mesfushës plotësohet nga Mkhitaryan, Barella e më në fund Kristjan Asllani. Ndërkaq, sulmi i është besuar dyshes Joaquin Correa e Romelu Lukaku. /i.m /abcnews.al
Formacionet zyrtare:
