Forcat izraelite kanë sulmuar një kamp refugjatësh në Gaza, duke vrarë 20 persona dhe duke plagosur mbi 170 të tjerë. Viktimat dhe të plagosurit po prisnin në radhë për të marrë ushqime dhe ndihma të tjera të nevojshme ndërsa u sulmuan pa mëshirë nga forcat armike.
Numri i të vdekurve ka gjasa të rritet për shkak se dhjetëra janë plagosur rëndë. Viktimat po trajtohen në spitalin al-Shifa, i cili është pa furnizime mjekësore dhe ka vetëm disa mjekë që punojnë.
Trupat dhe tanket izraelite u futën në qytetin e Gazës menjëherë pas sulmit në tetor dhe kanë luftuar me palestinezët për më shumë se dy muaj. Ushtria ka pretenduar se ka mposhtur kryesisht Hamasin në veri, por ende përballet me sulme vdekjeprurëse.
Ndihma në veri të Gazës është ndërprerë edhe pse mijëra njerëz janë ende atje.
/abcnews.al
