Forcat amerikane kapin një zyrtar të lartë të Shtetit Islamik në Siri

Komanda Qendrore e Ushtrisë Amerikane tha se forcat e saj kapën një zyrtar të Shtetit Islamik gjatë një sulmi me helikopter në Sirinë veriore të shtunën.

Gjatë operacionit u arrestua Abu Khalil al-Faddani, i cili, sipas SHBA-së, “ruante marrëdhënie me të gjithë rrjetin e Shtetit Islamik në rajon”.

“Kapja e operativëve të IS si al-Faddani forcon aftësinë tonë për të identifikuar, synuar dhe larguar terroristët nga fusha e betejës,” tha Troy Garlock, një zëdhënës i Komandës Qendrore.

Sipas deklaratës, në këtë operacion nuk ka pasur viktima civile.