VLORË- Gushti ka shtuar numrin e udhëtarëve që vijnë në Shqipëri përmes Portit të Vlorës. Vetëm mëngjesin e të premtes nga kjo pikë kufitare hynë 1200 persona.
Kryesisht janë emigrantë që kthehen pranë familjeve dhe të huaj që vizitojnë vendin tonë.
Shumë italianë mbeten pushues besnikë të Shqipërisë ndërsa të tjerë vijnë për herë të parë e presin të zbulojnë jugun e vendit.
Korriku sipas autoriteteve të Portit të Vlorës u mbyll me rreth 700 pasagjerë më tepër se viti i shkuar, pritshmëritë e tyre janë për tejkalim të numrit të udhëtarëve të një viti më parë dhe në muajin gusht./ abcnews.al
